ڈاکٹر فردوس عاشق نے خود ہی شہریوں کی ویکسی نیشن شروع کردی

لاہور: وزیراعلیٰ پنجاب کی معاون خصوصی ڈاکٹر فردوس عاشق اعوان نے معالج کا روپ دھار لیا۔ ڈاکٹر فردوس عاشق اعوان اتوارکی چھٹی کے دن اپنے آبائی شہر سیالکوٹ میں کورونا ویکسی نیشن سینٹر پہنچ گئیں جہاں انہوں نے ویکسی نیشن کےعمل کا جائزہ لیا اور متعلقہ عملے کو ہدایات دیں۔

یہ بھی پڑھیں : پاکستان میں کورونا مریضوں کی تعداد 8 لاکھ سے تجاوز کر گئی، مزید 70 اموات

ڈاکٹرفردوس عاشق اعوان نے متعدد بزرگ شہریوں کی خود ویکسی نیشن بھی کی، سینٹر پر موجود بزرگ شہری ان کے اس عمل سےمتاثر ہوئے اور انہیں دعائیں دیں۔ فردوس عاشق اعوان نےکہاکہ وہ صحافی برادری کے لیے بھی ویکسی نیشن کا اعلان کریں گی اوراپنے ہاتھوں سےصحافیوں کی ویکسی نیشن بھی کریں گی۔