ایک ہفتے میں سندھ پولیس کے 94 افسران و اہلکار کورونا میں مبتلا

کراچی: ایک ہفتے کے دوران سندھ پولیس کے درجنوں اہلکار و افسران کورونا وائرس میں مبتلا ہوگئے۔ سندھ پولیس کے ترجمان کے مطابق 7 روزکے دوران 94 پولیس افسران اوراہل کاروں کے کورونا ٹیسٹ مثبت آئے ہیں۔

یہ بھی پڑھیں بلوچستان: کورونا کے مثبت کیسز کی شرح 1.5 فیصد سے بڑھ کر 3.4 پر پہنچ گئی

ترجمان سندھ پولیس کے مطابق کورونا سے متاثرہ پولیس افسران اوراہل کاروں کی تعداد 6250 ہوگئی ہے جب کہ اب تک کورونا کے باعث 24 پولیس افسران اوراہل کارانتقال کرچکے ہیں۔