سینیٹ انتخابات : تحریک انصاف نے امیدواروں کے نام فائنل کرلئے

اسلام آباد: تحریک انصاف نے سینیٹ کی نشستوں پر امیدواروں کے نام فائنل کر لئے، امیدواروں میں عبدالحفیظ شیخ، فیصل واوڈا ، ڈاکٹر زرقا ، ثانیہ نشتر اوربیرسٹر علی ظفر شامل ہیں۔

وفاقی وزیر فوادچوہدری نے سماجی رابطے کی ویب سائٹ ٹوئٹر پر اپنے بیان میں کہا کہ تحریک انصاف نے سینیٹ کی زیادہ تر نشستوں پر امیدواروں کے نام فائنل کر لئے ، اسلام آباد سے عبدالحفیظ شیخ ،فوزیہ ارشد پی ٹی آئی کےامیدوار فائنل ہیں۔تحرک انصاف نے سینٹ کی زیادہ تر نشستوں پر اپنے امیدواروں کے نام فائنل کر لئے ہیں اسلام آباد سے عبدالحفیظ شیخ اور فوزیہ ارشد تحریک انصاف کی امیدوار فائنل کی گئ ہیں۔۔
مزید پڑھیں: سینیٹ انتخابات میں پیسہ چلنے کی روایت ختم کررہے ہیں، وزیراعظم

فوادچوہدری نے بتایا کہ سندھ سے فیصل واوڈا سینیٹ کا الیکشن لڑیں گے ، ٹیکنو کریٹ نشست پر سیف اللہ ابڑو تحریک انصاف کے امیدوار ہوں گے جبکہ بلوچستان سے عبدالقادر کا نام فائنل کیا گیا ہے۔وفاقی وزیر نے کہا کہ پنجاب سےسیف اللہ نیازی ،ڈاکٹر زرقا ،بیرسٹر علی ظفر امیدوار ہوں گے ، پنجاب سے باقی نشستوں کا اعلان بعد میں ہو گا۔ان کا کہنا تھا کہ کے پی سے شبلی فراز، محسن عزیز، دوست محمد، ثانیہ نشتر اور فرزانہ کا نام حتمی فہرست میں شامل کیا گیا ہے ، کےپی سے بھی باقی نشستوں پر اعلان بعد میں ہو گا۔