پی ڈی ایم کو منانے کیلئے آج تک ایک قدم نہیں اٹھایا نہ منانا چاہتےہیں، پرویز خٹک

وزیر دفاع پرویز خٹک کا کہنا ہے کہ پاکستان ڈیموکریٹک موومنٹ (پی ڈی ایم) کو منانے کیلئے ہم نے آج تک ایک قدم نہیں اٹھایا، نہ منانا چاہتےہیں نہ منائیں گے۔ وزیر دفاع پرویز خٹک نے اکوڑاخٹک میں جے یوآئی (س) کے سربراہ مولاناحامدالحق سے ملاقات کے بعد گفتگو میں کہا کہ جھوٹے پراپیگنڈ ے کے ساتھ پی ڈی ایم خود کو بچانے نکلی ہے۔

پرویز خٹک اور وفاقی وزیرعلی محمد خان نے بی آر ٹی دفتر کا دورہ بھی کیا اور بس میں سفر بھی کیا۔ پرویز خٹک کا کہنا ہے کہ نیب میں بی آر ٹی کے خلاف کوئی کیس نہیں، سب جھوٹ بول رہےہیں، کمیشن لینے کے سوال پر پرویز خٹک برہم ہوگئے۔