کابل کی پُلِ چرخی جیل کے سابقہ قیدی آج اس کی حفاظت پر مامور

افغانستان کے دارالحکومت کابل میں واقع ملک کی سب سے بڑی پُلِ چرخی جیل کے سابقہ قیدی ہی آج اس کی حفاظت پر مامور ہیں۔ کابل میں موجود ٹیم نے جیل کا خصوصی دورہ کیا، جیو نیوز خطےکا واحد نیوز چینل ہے، جسے اس جیل کے معائنےکی خصوصی اجازت دی گئی۔

امریکی حکام نے پل چرخی جیل میں ہزاروں طالبان کو قید رکھا تھا، جاتے جاتے وہ جیل کا ریکارڈ بھی جلا گئے ، جیل میں قیدیوں کو شدید تشدد کا نشانہ بنایا جاتا تھا، ان کے بال کھینچے جاتے تھے اور طرح طرح کی اذیتیں دی جاتی تھیں،امریکی مظالم کے باعث کئی قیدی نفسیاتی مریض بن گئے۔

کابل پر طالبان کے کنٹرول سے ایک دن پہلے اس جیل کے دروازے کھول دیےگئے تھے، امریکی حکام نے اس جیل میں جن ہزاروں طالبان کو قید رکھا ، اُن میں سے کئی آج اس کی حفاظت پر مامور ہیں۔