جرمن وزارت دفاع میں افغانستان کے موضوع پر بحث کا آغاز

اکتوبر سے وفاقی جرمن وزارت دفاع میں افغانستان میں جرمن مشن پر بحث شروع ہو رہی ہے۔
اس بحث میں وفاقی جرمن فوج کے افغانستان میں دو عشروں پر محیط مشن سے سیکھے گئے سبق کا جائزہ لیا جائے گا۔ اس کے علاوہ برلن ہونے والی اس بحث میں وفاقی جرمن فوج کے دیگر مشنوں پر بھی غور کیا جائے گا، جن میں مغربی افریقی ملک مالی میں جرمن فوجی مشن بھی شامل ہو گا۔
اس بحث کے افتتاحی اجلاس سے جرمن وزیر دفاع آنےگرَیٹ کرامپ کارن باؤر اور مغربی دفاعی اتحاد نیٹو کے سیکرٹری جنرل ژینس اسٹولٹن برگ بھی خطاب کریں گے۔