امریکا اور اس کے اتحادیوں کو افغانستان کی تعمیر نوکی ذمہ داری پوری کرنی چاہیے،چینی وزارت خارجہ

(حسنات بلوچ) امریکا اور اس کے اتحادیوں کو افغانستان کی تعمیر نوکی ذمہ داری پوری کرنی چاہیے
چین کی وزارت خارجہ کے ترجمان لیجیان ژاؤ کا کہنا تھا کہ تاجکستان کے دارالحکومت دوشنبے میں چین، پاکستان ، روس کے وزرائے خارجہ اور ایرانی سینیئرنمائندے نے ملاقات کی ہے جس میں فریقین نے افغانستان اور خطے میں امن کے لیےکوششوں کے عزم کا اظہار کیا۔

لیجیان ژاؤ کا کہنا تھا کہ دوشنبے میں ہونے والی ملاقات میں فریقین نے افغانستان میں جامع حکومت سازی کی ضرورت پر بھی زور دیا اور یہ بھی کہا کہ افغانستان کی خودمختاری ، آزادی اور علاقائی سالمیت کا احترام کیا جانا چاہیے ، افغان عوام کو امن ، سکون ، ترقی اور خوشحالی کے حصول کا حق ہونا چاہیے۔

چینی وزارت خارجہ کے ترجمان کا مزید کہنا تھا کہ فریقین نے افغانستان سے دہشت گردی اور منشیات کی اسمگلنگ جیسے خطرات سے نمٹنے اور علاقائی استحکام اور پڑوسی ممالک کے جائز تحفظات اور مفادات کے تحفظ کے لیے کوششوں کو مربوط کرنے کی ضرورت پر بھی زور دیا۔