سعودی عرب سفری پابندی :نئی ٹریول ایڈوائزری جاری

کراچی: سعودی جنرل ایوی ایشن اتھارٹی(گاکا) نے ایئرلائنز کے لیے نیا سفری ہدایت نامہ کردیا ہے۔

تفصیلات کے مطابق سعودی جنرل ایوی ایشن اتھارٹی نے اپنے ہدایت نامہ میں کہا ہے کہ کورونا کے باعث پابندی والے ممالک کے ٹرانزٹ مسافر مملکت کے ایئرپورٹس استعمال نہیں کر سکیں گے۔
‘گاکا’ کا کہنا ہے کہ ٹرانزٹ مسافروں کے حوالے سے سرکلرز میں جاری ہدایات پر عمل درآمد کو یقینی بنایا جائے، خلاف ورزی پر قانونی کارروائی کی جائے گی۔

واضح رہے کہ سعودی حکومت نے پاکستان، انڈیا اور بنگلا دیش سمیت متعدد ممالک سے براہ راست پروازوں کی آمد پر مشروط پابندی عائد کر رکھی ہےـ