اسرائیل کا رات گئے غزہ پر ایک اور حملہ، غیر ملکی میڈیا ہاؤس تباہ

اسرائیل نے رات گئے حماس رہنماکے گھرپر حملہ کر دیا جبکہ میزائل حملے سے غیر ملکی میڈیا ہاؤس بھی تباہ ہو گیا۔ اسرائیلی فوج نے 12 منزلہ عمارت کو فوجی ہدف کہہ کر تباہ کیا، عمارت میں امریکی خبر ایجنسی اور عرب ٹی وی کا بھی دفتر تھا۔

تباہ کی گئی عمارت میں موجود دونوں میڈیا ہاؤسز نے اسرائیل سے شواہد دینے کامطالبہ کر دیا۔دوسری جانب اسرائیلی فورسز نے کئی ٹن وزنی دھماکاخیز مواد برسا کر سرنگ تباہ کردی۔

خیال رہے کہ ایک ہفتے سے جاری اسرائیل کی بربریت سے شہید فلسطینیوں کی تعداد 148 ہوگئی ہے، جاں بحق افراد میں 41 بچے اور 23خواتین بھی شامل ہیں۔

اقوام متحدہ کے سیکرٹری جنرل انتونیو گوتریس نے غزہ میں عام شہریوں کی ہلاکت پر افسوس اور میڈیا ہاؤس کی عمارت پر اسرائیلی حملے پر تشویش کا اظہارکیا ہے۔ادھر اسرائیلی وزیراعظم بن یامین نیتن یاہو نے فلسطینیوں پرحملے جاری رکھنے کی دھمکی دی ہے۔