فلسطینی تنظیم حماس کا اسرائیلی حملے کا جواب، اسرائیل کی تیل پائپ لائن اور آئل ریفائنری تباہ

غزہ : فلسطین کی تنظیم حماس نے اسرائیلی حملے کا جواب دیتے ہوئے اسرائیل کے ساحلی شہر عسقلان پر راکٹ حملے کئے ، حملوں میں اسرائیل کی تیل پائپ لائن اور آئل ریفائنری تباہ ہوگئی۔

فلسطین کی اسلامی مزاحتمی تنظیم حماس نے اسرائیلی دہشت کیخلاف کارروائی کرتے ہوئے اسرائیل کے ساحلی شہرعسقلان پر راکٹوں سے حملہ کیا ، جس کے نتیجے میں اسرائیل کی تیل پائپ لائن اور آئل ریفائنری تباہ ہوگئی۔حماس کے حملوں میں 2 اسرائیلیوں کے ہلاک ہونے کی اطلاعات بھی ہے ، حماس کی جانب سے اسرائیل پر 100 سے زائد راکٹ حملوں کا دعوی کیا گیا ہے۔
یہ بھی پڑھیں: غزہ پر وحشیانہ صیہونی بمباری جاری، شہید فلسطینیوں کی تعداد 35 ہو گئی

خیال رہے غزہ کی محصور پٹی میں ‏مسلسل بمباری جاری ہے جس میں اب تک 10 بچوں سمیت 28 افراد شہید اور کئی زخمی ہوگئے ‏جبکہ جاری مظاہروں اور جھڑپوں میں اب تک 700 فلسطینی زخمی ہوچکے ہیں ، جن میں خواتین، ‏بچے، بزرگ اور طبی عملے کے ارکان شامل ہیں۔

اسرائیلی فضائیہ نے سول آبادی کو نشانہ بناتے ہوئے بستیوں پر بمباری ‏کی ہے۔ تازہ حملہ ایک رہائشی عمارت پر کیا گیا جس کے نتیجے میں کثیر المنزلہ بلڈنگ منہدم ہو ‏گئی۔اقوامِ متحدہ، مصر ‏اور قطر اسرائیل سے مظالم روکوانے کی کوشش میں مصروف ہیں۔