سعودی عرب: ‘بجلی کا بل 80 فیصد کم آئے گا’ صارفین کیلئے خوشخبری

سعودی عرب میں بجلی کے امور کے ماہرین نے صارفین کو ایسا مشورہ دیا جس پر عمل کرنے سے موسم گرما میں بجلی کا بل 80 فیصد تک کم آسکتا ہے۔

ماہرین کا کہنا ہے کہ موسم گرما کے دوران ایئرکنڈیشن کا استعمال کم کرکے بجلی کا بل 80 فیصد تک کم کیا جا سکتا ہے، اے سی کا استعمال محدود کرنے سے بل کم آئے گا۔

سعودی عرب میں پاپولر سائنس ویب سائٹ نے ایک جائزے کے نتائج پر مشتمل رپورٹ شایع کی جس میں بتایا گیا کہ گرمی کے موسم میں ایئرکنڈیشن کے کم استعمال سے 80 فیصد تک بل کی رقم بچے گی، سخت گرمی میں فٹ پاتھوں اور چھتوں کا درجہ حرارت بہت زیادہ بڑھ جاتا ہے لیکن سفید رنگ کرنے سے حرارت کم کی جاسکتی ہے۔
یہ بھی پڑھیں: سعودی عرب میں کورونا ایس او پیز کی خلاف ورزی پر 5 لاکھ ریال جرمانہ عائد

بجلی کے امور کے ماہرین کا کہنا ہے کہ اگر بلدیاتی کونسلوں اور میونسپلٹی کے حکام یہ پابندی لگا دیں کہ عام شہری عمارتوں پر سفید رنگ کریں تو اس سے درجہ حرارت کم ہوجائے گا اور اے سی کے استعمال میں بھی کمی ہوگی۔

ان کا مزید کہنا تھا کہ ایسا سفید رنگ تیار کیا گیا ہے جو حیران کن حد تک گرمی کی شدت اور چھتوں یا دیوراوں کی تپش کم کرسکتا ہے، یہ دیگر رنگوں کے مقابلے میں درجہ حرارت کم کرنے میں مؤثر ہے۔