سعودی عرب نے پاکستان سمیت کئی ممالک کیلئے سفری پابندیوں میں اضافہ کردیا

کورونا وائرس کی تیسری لہر کے باعث سعودی عرب نے پاکستان سمیت کئی ممالک کے لیے سفری پابندیوں میں مزید اضافہ کردیا۔پاکستان کے علاوہ دیگر چار ممالک میں بھارت، فلپائن، سری لنکا اور انڈونیشیا شامل ہیں۔

سعودی عرب کی جنرل اتھارٹی آف سول ایوی ایشن (گاکا) نے سفری ہدایت پر مشتمل نیا نوٹی فکیشن جاری کردیا۔نوٹی فکیشن کے مطابق سعودی باشندوں اور ان ممالک کے درست اقامہ رکھنے والے شہریوں کو سعودی عرب واپسی کے لیے 72 گھنٹوں کی مہلت دی گئی ہے۔

نوٹی فکیشن میں کہا گیا کہ یہ فیصلہ ان ممالک میں وبا کے کیسز میں اضافے کے بعد لیا گیا۔گاکا نے یورپی یونین کے متعدد ممالک اور سوئٹزرلینڈ پر بھی عارضی سفری پابندیاں عائد کردی۔