ریاض کے لیے پروازیں بحال

مسقط: عمان ایئرلائن نے سعودی دارالحکومت ریاض کے لیے اپنی پروازیں بحال کردیں۔ کل بروز جمعرات عمان ایئر کی پہلی پرواز ریاض کے لیے اڑان بھرے گی، ہفتے میں چار پروازیں چلانے کا فیصلہ کیا گیا ہے۔

عمان ایئر نے سماجی رابطے کی ویب سائٹ ٹوئٹر پر متنبہ کیا ہے کہ مسافروں کو احتیاطی تدابیر پر ہر صورت عمل کرنا ہوگا، سماجی فاصلہ رکھیں اور ماسک پہنیں، فضائی عملے کے تمام ارکان کورونا وائرس سے بچاؤ کا لباس استعمال کریں گے۔

طیارے میں ضیافتی خدمات نئے انداز میں پیش کی جائے گی۔ضائی عملے اور مسافروں کو سفر کے دوران مستقل بنیادوں پر ماسک کا استعمال کرنا ہوگا۔واضح رہے کہ اس سے قبل عمان ایئرلائن نے رواں ماہ 28 مارچ سے سعودی شہر دمام کے لیے پروازیں بحال کی تھیں اور اب ریاض کے لیے بھی فیصلہ کیا گیا، مسقط اور دمام کے لیے بھی ہفتے میں چار پروازیں چلانے کا پروگرام بنایا گیا ہے۔