سعودی اقامہ ہولڈرز کے لیے خوشخبری

ریاض: سعودی عرب میں غیرملکی اب آن لائن پلیٹ فارم ‘توکلنا’ ایپ سے بھی ڈیجیٹل اقامہ حاصل کرسکیں گے۔

تارکین وطن کو سہولت فراہم کرنے کے لیے توکلنا ایپ پر بھی عنقریب ڈیجیٹل اقامے کا اجرا یقینی بنایا جائے گا۔اس سے قبل یہ سہولت صرف ابشر ایپ پر تھی لیکن اس کا دائرہ اب مزید وسیع کیا جارہا ہے۔

سعودی وزارت داخلہ اور ڈیٹا اینڈ آرٹیفیشل انٹیلیجنس اتھارٹی ’سدایا‘ کے درمیان تعاون کا معاہدہ طے پاگیا جس کے تحت توکلنا پر ڈیجیٹل اقامے کا اجرا ہوگا، توکلنا پر ڈیجیٹل اقامہ سرکاری دستاویز شمار کیا جائے گا۔

ڈیجیٹل اقامہ دکھانے کے بعد کارڈ بھی شُو کرانے کی ضرورت نہیں پڑے گی۔وزارت داخلہ کا کہنا ہے کہ سعودی عرب میں کسی بھی سرکاری ادارے یا چوکی پر اسے تسلیم کیا جائے گا۔

خیال رہے کہ سعودی ولی عہد محمد بن سلمان کی ہدایت پر مملکت میں منصوعی ذہانت کے استعمال کو فروغ دیا جارہا ہے۔ حکومت اس سے قبل متعدد آن لائن سہولیات فراہم کرچکی ہے۔