امریکی ریاست کولوراڈو میں فائرنگ، پولیس افسر سمیت 10 افراد ہلاک

واشنگٹن: امریکی ریاست کولوراڈو میں خون کی ہولی کھیلی گئی، جہاں حملہ آور نے فائرنگ کرتے ہوئے پولیس افسر سمیت دس افراد کو موت کے گھاٹ اتاردیا ہے۔

فائرنگ کا واقعہ مقامی مارکیٹ کےگروسری اسٹور میں پیش آیا، جہاں حملہ آور نے اسٹور میں داخل ہوکر اشیائے روز مرہ کی خرید میں مصروف افراد پر اندھا دھند فائرنگ کردی۔

فائرنگ اس قدر شدید تھی کہ گروسری اسٹور میں بھگڈر مچ گئی اور ہر کوئی اپنی جان بچانے کے لئے ادھر اُدھر بھاگنے لگے، فائرنگ کے نتیجے میں پولیس افسر سمیت دس افراد ہلاک ہوئے۔

پولیس نے فائر نگ کےتبادلے بعد مشتبہ حملہ آور کو گرفتارکرلیا گیا ہے، پولیس کا کہنا ہےکہ واقعے کو دہشتگردی قرار دینا قبل از وقت ہوگا، حملہ آور سے تفتیش کی جاری ہے۔