مقبوضہ کشمیر میں بھارتی پولیس پر دستی بم حملے میں 2 اہلکار زخمی

سری نگر: ضلع بارہ مولا میں بھارتی پولیس پر دستی بم حملے کے نتیجے میں 2 اہلکار زخمی ہوگئے۔

بھارتی اسپیشل پولیس آفیسر کے 2 اہلکار دستی بم حملے کے نتیجے میں زخمی ہوگئے جنہیں اسپتال منتقل کردیا گیا ہے، پولیس پر حملہ ضلع بارہ مولا کے علاقے میں ہوا جہاں اہلکار بس اسٹیشن پر کھڑے تھے کہ نامعلوم افراد دستی بم پھینک کر فرار ہوگئے۔
یہ بھی پڑھیں: مقبوضہ کشمیر میں بھارتی فوج کی فائرنگ سے ایک اور کشمیری نوجوان شہید

بھارتی پولیس پر حملے کے بعد علاقے میں سیکیورٹی فورسز کی بڑی تعداد پہنچ گئی اور علاقے کے داخلی اور خارجی راستے بند کرکے حملہ آوروں کی گرفتار کے لیے سرچ آپریشن شروع کردیا گیا ہے۔