موبائل ایپ کے ذریعے عدالت قاتل تک پہنچ گئی

واشنگٹن: امریکا میں آئی فون ایپلی کیشن نے عدالت کو بیوی کے قاتل شوہر تک پہنچا دیا۔ امریکی ریاست الاباما میں بیوی کے قاتل شوہر کو 16 سال جیل کی سزا سنائی گئی، مجرم کو پکڑنے میں موبائل ایپ نے اہم کردار ادا کیا۔

آئی فون میں موجود ہیلتھ ایپلی کیشن صارف کو صحت سے متعلق اہم معلومات فراہم کرتی ہے، اس کے ذریعے چہل قدمی کے دورانیے اور قدموں کی تعداد کو بھی ریکارڈ کیا جاسکتا ہے۔ایسا ہی ہوا قتل کے کیس میں کہ جب مجرم نے کہا جس وقت اس کی بیوی کی موت ہوئی وہ سورہا تھا لیکن ایپ کے ریکارڈ میں دیکھا گیا کہ اس نے مذکورہ دورانیے میں سونے کے بجائے 18 قدم اٹھائے تھے۔
یہ بھی پڑھیں: ٹرمپ پر ٹوئٹر کے دروازے ہمیشہ کیلیے بند، سابق صدر کو کمپنی کا سخت پیغام

خیال رہے کہ قتل کا یہ واقعہ سال 2018 میں پیش آیا تھا۔ خاتون مردہ حالت میں گھر کے باہر پڑی تھی، پوسٹ مارٹم رپورٹ میں موت کی وجہ سر پر گہری چوٹ کو قرار دیا گیا تھا۔شوہر نے مؤقف اختیار کیا تھا کہ بیوی نشے کی عادی ہے، ممکنہ طور پر زیادہ نشہ کرنے کی وجہ سے گرکر مری۔