امریکی انتظامیہ نے ایران ڈیل میں واپسی کا اشارہ دیدیا

امریکا نے ایک بار پھر ایران ڈیل میں شامل ہونے کا اشارہ دیا ہے۔امریکی وزیر خارجہ انتھونی بلنکن نے کہا ہے کہ تہران نے 2015 کی ڈیل کی مکمل پاسداری کی یقین دہانی کرا دی تو امریکا ڈیل میں دوبارہ شامل ہو جائے گا۔

قبل ازیں وائٹ ہاؤس کی پریس سیکرٹری جین پاسکی نے بھی ایران ڈیل میں امریکا کی دوبارہ شمولیت کاعندیہ دیا تھا۔دوسری جانب ایرانی صدر حسن روحانی کا کہنا تھا کہ اگر امریکا نے جوہری ڈیل پر عمل درآمد کیا تو ایران بھی معاہدے کی مکمل پاسداری کرے گا۔