سعودی عرب: شوہر کے تشدد کا نشانہ بننے والی خاتون کی سوشل میڈیا پر مدد کی اپیل

سعودی عرب کے شہر جدہ میں ایک خاتون نے سوشل میڈیا پر اپنے سابق شوہر کی تشدد کی ویڈیو شیئر کردی جس کے بعد متعلقہ حکام نے نوٹس لے لیا۔ جدہ میں ایک خاتون نے سماجی رابطوں کی ویب سائٹ ٹویٹر پر ایک ویڈیو پوسٹ کی ہے جس میں ان کا سابق شوہر انہیں تشدد کا نشانہ بنا رہا ہے۔ویڈیو میں دیکھا جاسکتا ہے کہ خاتون لفٹ سے باہر نکلیں تو انہیں تشدد کا نشانہ بنایا گیا۔

اپنی پوسٹ میں خاتون نے درخواست کی کہ حکام اس کا نوٹس لے کر کارروائی کریں، انہوں نے یہ بھی کہا کہ ان کے بچوں کو بھی سابق شوہر سے خطرہ ہے۔ان کی ویڈیو سامنے آنے کے بعد سینٹر فار ڈومیسٹک وائلنس کے ترجمان نے بتایا کہ مذکورہ خاتون کی ٹویٹر پر پوسٹ کی گئی ویڈیو پر ایکشن لے لیا گیا ہے۔جدہ میں فیملی پروٹیکشن یونٹ کو متعلقہ حکام کے ساتھ مل کر واقعے کے خلاف کارروائی کا حکم دے دیا گیا