اسلام آباد میں ڈینگی کیسز میں اضافہ

اسلام آباد: وفاقی دارالحکومت اسلام آباد میں ڈینگی کے کیسز میں اضافہ جاری ہے، رواں سیزن شہر میں 177 ڈینگی کیسز سامنے آچکے ہیں جبکہ ڈینگی وائرس سے 2 اموات بھی ہو چکی ہیں۔

تفصیلات کے مطابق وفاقی دارالحکومت اسلام آباد میں ڈینگی کے کیسز میں مسلسل اضافہ جاری ہے، گزشتہ 24 گھنٹوں میں شہر میں مزید 32 ڈینگی کیسز رپورٹ ہوئے۔

ذرائع کا کہنا ہے کہ اسلام آباد کے رورل ایریا سے 17 اور اربن ایریا سے 15 ڈینگی کیسز رپورٹ ہوئے۔ رواں سیزن شہر میں 177 ڈینگی کیسز سامنے آچکے ہیں جبکہ ڈینگی وائرس سے 2 اموات بھی ہو چکی ہیں۔

ذرائع کا مزید کہنا ہے کہ اسلام آباد کے بیشتر ڈینگی کیسز راولپنڈی کے اسپتالوں میں زیر علاج ہیں۔