بات چل رہی کہ عمران خان کی جگہ کسی اور کو وزیراعظم بنا دیں، اسد عمر اس سازش کا حصہ لگ رہے ہیں، سینئر صحافی نے دھماکہ خیز دعویٰ کردیا

اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر صحافی عارف حمید بھٹی نے کہا ہے کہ اسد عمر جیسے لوگ عمران خان کیخلاف سازش کررہے ہیں،پی ٹی آئی میں بات چل رہی ہے کہ ن لیگ کا کہنا ہے عمران خان کی جگہ کسی اور کو وزیراعظم بنا دیں، اسد عمر اس سازش کا حصہ لگ رہے ہیں۔ کیونکہ عمران خان کورونا کا مقابلہ کررہا ہے جبکہ اسد عمر قوم کو خوفزدہ کررہا ہے۔ہمیں پاکستان کے باہر سے کوئی خطرہ نہیں ہے، ہمیں پاکستان کے اندر رہنے والے میر جعفروں سے خطرہ ہے۔ کہتے ہیں فوج کی تنخواہ کیوں بڑھا دی؟ بھارت کا اسلحہ ہم سے دس گنا زیادہ ہے۔ بھارتی فوج کی تعداد 6 گنا زیادہ ہے، اگر ہم اپنی فوج کو اس وقت کمزور کردیں، تو وہاں دشمن کی فوجیں آجاتی ہیں ، جہاں ملکوں کی فوجیں کمزور ہوں۔بھارت نے مقبوضہ کشمیر میں 5 اگست سے کرفیو لگایا ہوا ہے۔وہاں انسانیت سوز سلوک کیا جارہا ہے۔ بھارت نے چین کی طرف لداخ کی طرف رخ کیا تو چین نے اتنا مارا ان کی فوج بھاگ رہی ہے، نیپال نے اپنا نقشہ تبدیل کردیا ہے۔ مودی اگر اس طرح حرکات کرے گا تو وہ پاک فوج کے جذبے اور قربانیوں کو جانتا ہے۔ مودی کبھی جنگ نہیں کرے گا۔ فوج کا ایک ایک جوان دشمن کے بارود کے سامنے سینہ تانے کھڑا ہے، اگر جنگ ہوئی تو بھارت نقشے سے مٹ جائے گا۔ مودی بھارت کی بربادی کی طرف قدم رکھ رہا ہے، مودی سے کورونا اور معیشت کنٹرول نہیں ہو رہی ۔ پاک فوج بھارت کو منہ توڑ جواب دینے کیلئے سو گنا زیادہ تیار کھڑی ہے۔