امریکا میں برفباری سے نظام درہم برہم، 23 افراد ہلاک

امریکا کی کئی ریاستوں میں برفباری سے نظام زندگی بری طرح متاثر ہوگیا۔ امریکامیں برفباری سےکم سے کم 23 افراد ہلاک اور 50 لاکھ سے زائد افرادبجلی سے محروم ہوگئےہیں۔ زیادہ تر اموات ٹینےسی ، ٹیکساس ، شمالی کیرولائنا ، کینٹیکی اور لیوزی اینا میں ہوئیں۔

امریکا کی مختلف ریاستوں میں ڈیڑھ کروڑ افراد کو برفباری کا سامنا ہے اور نیشنل ویدر سروس کے مطابق 73 فیصد امریکا اس وقت برف سے ڈھکا ہوا ہے جب کہ ملک میں برفباری سے پائپ لائنیں جم گئیں اور قدرتی گیس کی فراہمی بھی متاثر ہو رہی ہے۔