وقت سے پہلے ہونے والے سفید بالوں کا علاج

وقت سے پہلے بہت سے لوگوں کے بالوں کا سفید ہونا ایک اہم مسئلہ ہے جس کے باعث وہ لوگ ذہنی طور پر پریشانی کا شکار رہتے ہیں۔بالوں کی سفیدی کا تعلق صرف خوراک سے ہی نہیں ہوتا بلکہ بعض بیماریوں کے اثرات کی وجہ سے بھی بال قبل از وقت سفید ہونے لگتے ہیں۔

بالوں کی سیاہی قائم رکھنے کے لیے انسانی جسم میں فولاد اور بالوں کی مضبوطی کے لیے کاپر زنک، سلفر، آئیوڈین، کیراٹینن اور میلانین وغیرہ کی مطلوبہ مقداروں کا پورا ہونا لازمی ہے۔

بال سفید ہونا شروع ہوجائیں تو لوگ انہیں چھپانے اور اس کی روک تھام کے لیے مختلف ہیئرکلرز لگاتے ہیں لیکن آج ہم آپ کو بالوں کو مضبوط اور سیاہ رکھنے کا آسان اور گھریلو قدرتی طریقہ بتائیں گے، جن پر عمل کرکے اس مسئلے پر آپ خود کافی حد تک قابو پاسکتے ہیں۔

ماہر صحت رانی آپا نے اس حوالے سے ایک مفید اور آزمودہ نسخہ بتاتے ہوئے تیل بنانے کا طریقہ ناظرین سے شیئر کیا اور بتایا کہ کس طرح سفید بالوں کو بغیر کسی ہیئر کلر کے کالا کیا جاسکتا ہے۔

تیل کے اجزاء:

ایک گلاس پانی
کڑی پتا
ایلو ویرا کا ایک ٹکڑا
السی کے بیج
کلونجی
کالا زیرا

ترکیب :

ایک گلاس پانی کو ابالیں اور اور اس دوران اس میں کڑی پتے کی ایک گڈی ڈال دیں، ایک ایلو ویرا کا ٹکڑا اورایک ایک چمچ السی کے بیج کالا زیرا اور کلونجی بھی شامل کردیں۔

جب یہ ابلتا ہوا پانی اتنا کھول جائے کہ اس کی مقدار آدھے گلاس سے بھی کم رہ جائے تو اس پانی میں ایک کپ سرسوں کا تیل ڈال کر ایک بار پھر پکائیں جس کے بعد یہ تیل تیار ہے۔
یہ بھی پڑھیں: ہکلاہٹ کی کمی اور زیادتی کی وجہ بننے والا نیورون دریافت

اس تیل کو کم از کم ہفتے میں دوبار لگانا چاہیے جس سے آپ کے سفید بال رفتہ رفتہ بتدریج کالے ہوتے چلے جائیں گے اور تین ماہ کے بعد اس کا بہترین رزلٹ آپ کے سامنے ہوگا۔