پاکستان: گزشتہ 24 گھنٹوں میں کورونا سے 62 اموات

ملک میں کورونا سے مزید 62 افراد انتقال کرگئے اور ایک ہزار سے زائد کیسز بھی رپورٹ ہوئے ہیں۔ پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 31713 ٹیسٹ کیے گئے جن میں سے 1072 افراد میں کورونا وائرس کی تصدیق ہوئی جب کہ وائرس سے 62 ہلاکتیں ہوئیں۔

سرکاری پورٹل کے مطابق ملک میں کورونا سے ہلاکتوں کی تعداد 12128 ہوگئی ہے اور مجموعی کیسز 5 لاکھ 57591 تک جاپہنچے ہیں جب کہ فعال کیسز کی تعداد 30512 ہے۔ اس کے علاوہ 24 گھنٹوں کے دوران ملک بھر میں 2008 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 514951 ہوگئی ہے۔

یہ بھی پڑھیں عوام سے دھوکا دہی کے ملزم کی ایک ارب 20 کروڑ کی پلی بارگین کی درخواست منظور

سرکاری پورٹل کے مطابق سندھ میں کورونا کے مریضوں کی مجموعی تعداد 251758 ہوگئی ہے جب کہ 4157 افراد اب تک انتقال کرچکے ہیں۔ پنجاب میں کورونا کے کل مریضوں کی تعداد 161757 ہے اور 4948 افراد وائرس میں مبتلا ہوکر جان سے جاچکے ہیں جب کہ بلوچستان میں مریضوں کی کل تعداد 18891 اور ہلاکتیں 197 ہوچکی ہیں۔

خیبرپختونخوا میں کورونا کے مریضوں کی تعداد 68786 اور 1970 ہلاکتیں ہوچکی ہیں جب کہ آزاد کشمیر میں 9291 افراد وائرس میں مبتلا ہوچکے ہیں اور 273 افراد انتقال کرگئے۔ اس کے علاوہ گلگت بلتستان میں اب تک کورونا کے مریضوں کی تعداد 4920 اور 102 افراد انتقال کرچکے ہیں۔ پورٹل کے مطابق وفاقی دارالحکومت اسلام آباد میں کورونا کے مریضوں کی مجموعی تعداد 42188 ہے اور اب تک 481 مریض انتقال کرچکے ہیں۔