قندوز میں سیکیورٹی چیک پوسٹ پر طالبان کا حملہ، 6 اہلکار ہلاک

قندوز: افغان صوبے قندوز میں سیکیورٹی چیک پوسٹ پر طالبان کے حملے میں 6 اہلکار ہلاک ہوگئے۔

صوبے قندوز میں طالبان نے سیکیورٹی چیک پوسٹ پر حملہ کیا جس کے نتیجے میں 6 اہلکار ہلاک اور 2 زخمی ہوگئے جب کہ طالبان 5 فوجی اہلکاروں کو یرغمال بناکر ساتھ بھی لے گئے۔ افغان حکام کے مطابق طالبان کے حملے کے نتیجے میں چیک پوسٹ زمین بوس ہوگئی جب کہ واقعہ کے بعد سیکیورٹی فورسز کی بھاری نفری نے علاقے کو گھیرے میں لیکر سرچ آپریشن شروع کردیا ہے۔