کراچی: تین دن میں چینی کی قیمت میں 8 روپے کلو تک اضافہ

کراچی میں چینی کی قیمت ایک بار پھر قابو سے باہر ہوتی جارہی ہے اور شہر میں چینی ہول سیل ریٹ پر 88 روپے کلو تک جا پہنچی ہے۔ مارکیٹ ذرائع کے مطابق کراچی میں تین روز کے دوران چینی کی قیمت میں 8 روپے تک اضافہ ہوا ہے اور ہول سیل ریٹ 88 روپے فی کلو ہونے کے بعد ریٹیل میں چینی مزید مہنگی فروخت کی جارہی ہے۔

ذرائع کا کہنا ہےکہ شہر میں چینی کہیں 90، کہیں 95 تو کہیں اس سے بھی زائد قیمت پر فروخت کی جارہی ہے۔ شہریوں نے چینی کی قیمت بڑھنے پر ایک بار پر حکومت پر برہمی کا اظہار کرتے ہوئے اسے حکومت کی ناکامی قرار دیاہے۔