اسلام آباد:وزیر داخلہ رانا ثناء اللہ نے کہاہے کہ کراچی اور حیدر آباد میں بلدیاتی انتخابات کے معاملے پر تصادم کا خدشہ ہے۔وزیر داخلہ نے کراچی اور حیدر آباد میں بلدیاتی انتخابات کے معاملے پر کشیدگی پرگہری تشویش کااظہار کرتے ہوئے بلدیاتی انتخابات کے15جنوری کو انعقاد پر سیاسی جماعتوں کے درمیان اختلافات نے تشویشناک صورتحال اختیار کرلی ہے۔موجودہ صورتحال میں کراچی اور حیدرآباد میں بلدیاتی انتخابات کے معاملے پرتصادم کا خدشہ ہے۔وزیر داخلہ کہا کہ بعض شرپسند عناصر صورتحال سے فائدہ اٹھا سکتے ہیں۔تصادم اور امن وامان کی صورتحال پیدا ہوسکتی ہے،کوئی ایک چھوٹا سا واقعہ کراچی اور حیدرآباد میں کسی بڑے حادثے کا سبب بھی بن سکتا ہے۔سیاسی جماعتوں اور الیکشن سے متعلقہ دیگر فریقین کو معاملہ فہمی کا مظاہرہ کرتے ہوئے کشیدگی کی فضا کو ڈی فیوز کی ضرورت ہے،الیکشن کمیشن اور عدلیہ حالات کی سنگینی کا نوٹس لیں،آئین اور قانون کی روشنی میں مناسب حل نکالا جائے۔
کراچی اور حیدرآباد میں بلدیاتی انتخابات کے معاملے پرتصادم کا خدشہ ہے،وزیر داخلہ
وہ فیصلہ نافذ کرایا جارہا ہے جو ہوا ہی نہیں، رانا ثناء