پی ٹی آئی کے سابق ایم پی اے رفاقت گیلانی گرفتار

پویس نے پی ٹی آئی کے سابق ایم پی اے رفاقت گیلانی کو گرفتار کرلیا۔لیہ سے منتخب ہونیوالے تحریک انصاف کے سابق رکن پنجاب اسمبلی رفاقت گیلانی کو ملتان سے گرفتارکیاگیا ہے جس کی تصدیق پولیس کی جانب سے کی گئی ہے ۔پولیس کے مطابق رفاقت گیلانی کیخلاف نو مئی کو ملتان میانوالی روڈ بلاک کرنے ، فائرنگ اور گاڑیاں جلانے کا مقدمہ درج تھا۔پولیس کا بتانا ہے کہ رفاقت گیلانی کیخلاف دہشتگردی کی دفعہ کے تحت تھانہ چوک اعظم میں مقدمہ درج تھاجس کے بعد سے وہ ملتان میں اپنے قریبی عزیز کے گھر روپوش تھے۔رفاقت گیلانی لیہ کے حلقہ پی پی 283 سے ایم پی اے منتخب ہوئے تھے