لاہور میں کہیں ہلکی تو کہیں تیز بارش

پنجاب کے دوسرے شہروں کی طرح لاہو میں بھی مون سون بارشوں کا سلسلہ شروع ہوگیا ہے کہیں تیز اور کہیں ہلکی بارش ہوئی ۔شہر میں اب تک زیادہ سے زیادہ 90 ملی میٹر بارش ریکارڈ کی گئی ہے پنجاب ڈیزاسٹر مینجمنٹ اتھارٹی نے دریائے راوی اور چناب میں طغیانی کے پیش نظر الرٹ جاری کردیا ہے۔لاہورمیں مون سون کی آمد پر بارش کا سلسلہ بھی شروع ہوگیا ، بادل گرجے اور پھر خوب برسے بھی ،ہوائیں چلنے کے باوجود شہر میں شدید حبس برقرار رہا ، موسلادھار بارش سے نشیبی علاقے اور سڑکیں زیر آب آگئیں ۔محکمہ موسمیات کے مطابق بارشوں کا رواں سلسلہ بائیس جولائی تک جاری رہے گا ، آئندہ 24 گھنٹے کے دوران مزید بارش ہونے کا امکان ہے ۔