انصاف میں تاخیر انصاف سے انکار کے مترادف :سید یوسف رضا گیلانی

ملتان:چیئرمین سینیٹ وسابق وزیر اعظم سید یوسف رضا گیلانی نے ملتان میں جامعہ زکریا میں تقریب سے خطاب کرتے ہوئے کہا کہ انصاف میں تاخیر انصاف سے انکار کے مترادف ہے۔تقریب میں آنا باعث اعزاز ہے، آرٹیفیشل انٹیلی جنس پر شعبے پر اثر انداز ہو رہی ہے، دیکھنا ہو گا ٹیکنالوجی کس طرح انصاف کے حصول میں معاون ثابت ہو سکتی ہے۔
اے آئی صرف آئیڈیا نہیں حقیقت ہے، قوانین معاشرے میں انصاف کے حصول کے لئے اہم ہوتے ہیں، پاکستان میں انصاف کا حصول بہت مشکل ہے، ہمارے ہاں مقدمات کئی کئی سال التوا کا شکار رہتے ہیں، انصاف میں تاخیر انصاف سے انکار ہوتا ہے۔یوسف رضا گیلانی کا مزید کہنا تھا کہ اے آئی کے استعمال سے انصاف بروقت میسر آ سکتا ہے، اے آئی کے استعمال کے آغاز میں مشکلات ہو سکتی ہیں، آرٹیفیشل انٹیلی جنس سے عالمی سطح پر اثرات مرتب ہو رہے ہیں۔
یوسف رضا گیلانی