ہانیہ عامر نے بھارتی کامیڈین کو پاگل قرار دیدیا

راولپنڈی: شوبز کی معروف اداکارہ ہانیہ عامر نے حال ہی میں بھارتی کامیڈین ذاکر خان کے حوالے سے تبصرہ کیا ہے جو سوشل میڈیا پر وائرل ہو رہا ہے۔حال ہی میں ہانیہ نے فوٹو اینڈ ویڈیو شیئرنگ ایپ انسٹاگرام اسٹوری پر بھارتی کامیڈین ذاکر خان کے شو کی ایک ویڈیو کلپ شیئر کرتے ہوئے ان کی ذہانت اور حسِ مزاح کی تعریف کی۔ انہوں نے کامیڈین کو ٹیگ کرتے ہوئے لکھا: کیا پاگل انسان ہیں
ہانیہ عامر نہ صرف پاکستان بلکہ دیگر ممالک خاص طور پر بھارت میں بھی اپنی اداکاری اور دلکش و مزاحیہ شخصیت کی وجہ سے مشہور ،وہ موجودہ دور کی مصروف ترین اداکاراں میں شمار ہوتی ہیں اور سوشل میڈیا پر بھی ان کے کروڑوں مداح موجود ہیں۔ وہ انسٹاگرام پر 17.1 ملین فالوورز والی پہلی پاکستانی بن چکی ہیں جنہیں دنیا بھر سے اتنے زیادہ صارفین فالو کر رہے ہیں۔