کورین اداکارہ سیڑھیوں سے گر کر ہلاک ہوگئی

کوریا کی مقبول اداکارہ ، پارک سوریون 29 برس کی عمر میں چل بسی ،مبینہ طورپریہ حادثہ جیجو جزیرے پر اس وقت پیش آیا جب اداکارہ اپنے گھر واپس جاتے ہوئے سیڑھیوں سے نیچے گری ۔اداکارہ کو فوری طورپر ہسپتال منتقل کیاگیا تاہم وہ جانبر نہ ہوسکی ، ڈاکٹر کے مطابق اداکارہ کی موت ہسپتال لانے سے قبل ہی ہوچکی تھی ۔آنجہانی اداکارہ کی والدہ نے اس کی یاد میں اپنی بیٹی کے اعضا عطیہ کرنے کا اعلان کرتے ہوئے کہا کہ پارک سو ریون کی دماغی موت واقع ہوءہے اس کا دل اور دیگر اعضا ، ابھی بھی قابل استعمال ہیں اگر کسی ضرورت مند کو اعضا کی فوری ضرورت ہے تو رابطہ کرسکتاہے۔