کسی کو بھی ریاست کو چیلنج کرنے کی اجازت نہیں دیں گے: بلاول بھٹو

میونخ:پاکستان پیپلزپارٹی کے چیئرمین اور سابق وزیر خارجہ بلاول بھٹو زرداری نے میونخ سکیورٹی کانفرنس میں شرکت کے موقع پر میڈیا کے نمائندے سے غیررسمی بات چیت کرتے ہوئیکہا ہے کہ کسی کو بھی ریاست کو چیلنج کرنے کی اجازت نہیں دیں گے۔چیلنجز ہیں اور ہم چیلنجز سے نمٹ رہے ہیں، ماضی میں بھی ہم دہشت گردی کا مقابلہ کرتے ہوئے کامیاب ہوئے ہیں۔
کسی کو بھی ریاست کو چیلنج کرنے کی اجازت نہیں دیں گے۔ہر پاکستانی کی طرح میں بھی اپنے ملک کی بہتری چاہتا ہوں، ہم آئی ٹی اور ڈیجیٹل دور کیلئے تیار نہیں ہیں، ہم اپنے بچوں اور نوجوانوں کو اس دور کیلئے تیار نہیں کر رہے۔