کترینہ کیف نے انوشکا شرما کو ڈنر کیلئے کتنے بجے بلایا؟

اسلام آباد: کترینہ کے گھر پر ہونیوالی انوشکا شرما اور ویرات کوہلی کی دعوت کی ایک دلچسپ کہانی سامنے آئی ہے۔ انوشکا شرما نے اپنے ایک انٹرویو میں انکشاف کیا کہ انہیں پارٹیز میں جانا پسند نہیں ہے اور اس کے برعکس وہ صرف چند دوستوں کو اپنے گھر پر بلا کر ان کے ساتھ گھر کا بنا ہوا کھانا کھانے کو ترجیح دیتی ہیں۔ انہوں نے بتایا کہ کترینہ اور وکی نے مجھ اور ویرات کو پنے گھر ڈنر پر مدعو کیا تو میں نے انہیں کہا کہ ہم لوگ چھ بجے رات کا کھانا کھا لیتے اور ساڑھے نو بجے تک سو جاتے ہیں لیکن آپ کیلئے ہم لوگ سات یا ساڑھے سات بجے تک کھانا کھالینگے لیکن اس سے زیادہ دیر تک آپ کے گھر نہیں ٹھہریں گے۔ انہوں نے مزید بتایا کہ کترینہ نے میری بات سن کر ہسنتے ہوئے کہا کہ ٹھیک ہے آپ اس وقت کھانا کھالینا اور ہم آپ لوگوں کیساتھ اسنیکس کھالیں گے۔