پنجاب اسمبلی رات10بجے کے بعد آئینی طورپر تحلیل ہوجائے گی،مسرت جمشید چیمہ

حکومت پنجاب کی ترجمان مسرت جمشید چیمہ کاکہنا ہے کہ رات10بجے کے بعد پنجاب اسمبلی آئینی طورپرتحلیل ہوجائے گی۔ایک بیان میں مسرت جمشید چیمہ نے کہا کہ پاکستان ڈیموکریٹک موومنٹ الیکشن سے بھاگنے کی بجائے پاکستان تحریک انصاف کا مقابلہ کرے۔انہوں نے کہا کہ پی ڈی ایم کراچی بلدیاتی انتخابات سے بھاگنے کے لئے کوشش کررہی ہے۔مسرت جمشید چیمہ کا کہنا ہے کہ حلقہ بندیوں کا نوٹیفکیشن اوراس کے بعد تھریٹ الرٹ آجاتا ہے۔الیکشن کمیشن بھی فوراً ان کے خط پراجلاس بلا لیتا ہے۔ترجمان پنجاب حکومت کا یہ بھی کہنا ہے کہ مسلم لیگ ن کے رہنماؤں کو سمجھ نہیں آرہی کہ کسی دیوار میں اپنا سرماریں۔