موجودہ حکومت کو عوام کے مسائل کا علم نہیں : حافظ نعیم الرحمان

کراچی:امیر جماعت اسلامی حافظ نعیم الرحمان نے کراچی میں پریس کانفرنس کرتے ہوئے کہا کہ فارم 45 والی حکومت میں بھی 7 فیصد ارب پتی ہوتے ہیں، وہ نہیں سمجھتے کے عوام کے مسائل کیا ہیں۔آئین نے ہر ادارے کا ایک ضابطہ طے کیا ہے، سب کی ذمہ داری ہے اس کی پیروی کریں، پاکستان کی معیشت کا پورا انحصار عوام کو ریلیف دینے اور ٹیکسز کم کرنے میں ہے۔
امیر جے آئی نے کہا کہ آئی پی پیز سے بات ہو رہی ہے لیکن بجلی کے ریٹ کم نہیں ہو رہے، اس کا اثر بجلی کے بلوں میں آنا چاہیے، انرجی بحران بہتر ہوں گے تو ایکسپورٹ بہتر ہوں گی۔
پی ڈی ایم کی ساری جماعتیں ہیں موجودہ ملکی حالات کی ذمہ دار ہیں، اگر کوئی سمجھ رہا ہے کہ آئی پی پیز سے ڈیل کرنے والی حکومت عوام کو سہولیات فراہم نہیں کرے گی اور ہم خاموش بیٹھیں گے ایسا نہیں ہو گا، ہم انتظار کر رہے ہیں تحریک دوبارہ بھی چلائی جا سکتی ہے۔ فارم 47 کی حکومت کو عوام کے مسائل کا علم نہیں۔
حافظ نعیم الرحمن نے کہا کہ سٹاک ایکسچینج میں اب جواونچائی دیکھ رہیہیں یہ اصل نہیں ہے، ماضی میں بھی ایسا ہوتا رہا ہے اور بعد میں لوگوں کا پیسہ ڈوب جاتا ہے، بینکوں میں جمع سود کا پیسہ اب سٹاک مارکیٹ میں لگایا جارہا ہے، یہ پالیسیزکا مسئلہ ہے ہم لوگوں کی بنیادی ضروریات پوری نہیں کر پا رہے۔