ماں کو بہو پتلی، لمبی اور گوری چاہیے: آمنہ ملک

لاہور:اداکارہ و میزبان آمنہ ملک نے کہا کہ اگر لڑکیوں کو شادی سے پہلے ضرورت سے زیادہ آزادی اور سہولیات دی جائیں تو انہیں شادی کے بعد دوسرے گھر میں ایڈجسٹ ہونے میں مشکلات پیش آ سکتی ہیں، آج کل لڑکیاں دیر سے شادیاں کر رہی ہیں، لڑکے اور لڑکی دونوں ہی اپنی تسلی کے لیے شادی سے پہلے آپس میں بات چیت کو ضروری سمجھتے ہیں۔
لڑکوں کی ماں کو بہو صرف پتلی، لمبی اور گوری چاہیے۔موجودہ دور میں لڑکے اور لڑکیاں اپنے شریک حیات میں مکمل پرفیکشن کی تلاش کرتے ہیں جو کہ غیر حقیقت پسندانہ خواہش ہے، زندگی میں انسان کو ہر چیز نہیں مل سکتی۔
لڑکوں کی ماں کی غیر ضروری فرمائشوں کا ذکر کرتے ہوئے کہا کہ وہ چاہتی ہیں کہ بہو پتلی، لمبی اور گوری ہو مگر کسی ایک انسان میں یہ تمام خصوصیات نہیں ہو سکتیں، اگر لڑکی شادی کے بعد موٹی ہو جائے تو کیا اسے چھوڑ دیا جائے گا؟
لڑکوں کی مائیں جب ایسی لڑکیوں کے رشتے کے لیے جاتی ہیں جو بیرون ملک سے تعلیم یافتہ ہوں تو غیر مناسب سوالات کرتی ہیں جیسے کہ کیا بیرون ملک تعلیم کے دوران آپ کا کسی لڑکے سے تعلق رہا ہے؟