سوشل میڈیا پر نفرت انگیز مواد دیکھنے پر ایف آئی اے کو اطلاع کریں ، پی ٹی اے

پاکستان ٹیلی کمیونیکیشن اتھارٹی نے کہا ہے کہ سوشل میڈیا پر نفرت انگیز مواد دیکھنے پر ایف آئی اے یا پی ٹی اے کو اطلاع کریں ۔ایک بیان میں پی ٹی اے نے کہا کہ پاکستان کے دفاع ، سالمیت اور تحفظ کیخلاف آن لائن مواد پھیلانا غیر قانونی ہے ، ریاست مخالف ،گستاخانہ ، نفرت انگیز مواد کی سزا سات سال قید اور جرمانہ یا دونوں ہوسکتے ہیں ۔پی ٹی اے کا کہنا ہے کہ عظمت اسلام یا کسی بھی فرقے یا مذہب کیخلاف سوشل میڈیا پر مواد پھیلانا سنگین جرم ہے ، تعزیرات پاکستان کے تحت اس کی سزا سزائے موت ، عمر قید اور جرمانہ ہے ۔پی ٹی اے نے کہا کہ سوشل میڈیا پر نسل ، مذہب یا فرقہ واریت پر کسی طبقے یا شخص کیخلا ف آن لائن مواد پھیلانا جرم ہے ، نفرت انگیز مواد پھیلانے سے دل آزاری اور مذہبی منافرت بھی بڑھ سکتی ہے ۔