سندھ ، عید الفطر پر پولیس کا سکیورٹی پلان

کراچی سمیت سندھ بھر میں عید الفطر سے متعلق پولیس نے سکیورٹی پلان جاری کردیا۔آئی جی سندھ غلام نبی میمن کے مطابق صوبے بھر میں 33 ہزار 560 اہلکار سکیورٹی کے فرائض انجام دینگے۔انہوں نے بتایا ہے کہ کراچی میں نماز عید کیلئے 4 ہزار 242 مقامات ہیں جہاں 9 ہزار 825 اہلکار سکیورٹی ڈیوٹی پرمامور ہونگے۔آئی جی سندھ غلام نبی میمن نے کہا کہ حیدر آباد میں 8 ہزار 222 اہلکارسکیورٹی پر مامور ہونگے ۔ میرپورخاص میں 1690 شہید بے نظیر آباد میں تین ہزار 13 اہلکار سکیورٹی پرمامور ہونگے۔آئی جی سندھ غلام نبی میمن نے صوبے بھر کے پولیس حکا م کو ہدایت کی ہے کہ عید الفطر پر مساجد امام بارگاہوں اور نماز عید کے کھلے مقامات پر ہونیوالے اجتماعات کے سکیورٹی کو یقینی بنایاجائے ۔