سعودی ولی عہد کی مسجد نبوی میں روضہ رسول ؐ پر حاضری

اسلام آباد: سعودی ولی عہد شہزادہ محمد بن سلمان نے مسجد نبوی میں روضہ رسول ؐ پر حاضر ی دی اور نوافل ادا کیے۔اس موقع پر مدینہ ریجن کے گورنر فیصل بن سلمان، عبدالعزیز بن ترکی الفیصل اور خالد بن سلمان بھی ان کے ہمراہ تھے۔سعودی میڈیا کے مطابق ولی عہد شہزادہ محمد بن سلمان نے کہا ہے کہ حرمین شریفین کے مہمانوں کی خدمت ہمارا فرض ہے۔انہوں نے کہا کہ اس ملک میں ہر ایک کی کوششوں سے زائرین کی تعداد سال بہ سال دگنی ہوتی ہے اور اس کا تحفہ ملک کے تمام لوگوں کو ملے گا۔