حکومتی اتحادی نفیسہ شاہ نے بجٹ کو انتخابی قرار دیدیا

حکومتی اتحادی پی پی رہنما نفیسہ شاہ نے حالیہ پیش کیے گئے وفاقی بجٹ کو انتخابات کا بجٹ قرار دیدیا۔قومی اسمبلی کی قائمہ کمیٹی برائے خزانہ کے اجلاس میں نفیسہ شاہ نے کہا کہ یہ غیر حقیقی بجٹ ہے ۔ان کا کہنا ہے کہ حکومت کے پاس دو ماہ کا وقت ہے یہ کیسا بجٹ دیا گیا ہے ؟پی پی رہنما نے کہا کہ ہمارے مالی ذخائر صرف ایک ماہ کی درآمدات کے ہیں ۔انہوں نے کہا کہ ہمیں کہاگیا کہ بجٹ میں مشکل فیصلے کرینگے کوئی مشکل فیصلہ نہیں کیاگیا ۔نفیسہ شاہ نے مزید کہا ہے کہ اس وقت ہمارے سروں پر معاشی طوفان کھڑا ہے ۔پی پی رہنما نے یہ بھی کہا ہے کہ آئی ایم ایف ہم پر دباﺅ ڈال رہا ہے ایک ماہ بعد معیشت مزید مشکل میں ہوگی۔