تیمرگرہ اسپتال میں سرجیکل دستانوں کی فراہمی میں مبینہ خورد برد کا انکشاف

پشاور:خیبرپختونخوا میں تیمرگرہ میڈیکل کالج کے بعد اب ڈی ایچ کیو اسپتال تیمرگرہ میں سرجیکل دستانوں کی فراہمی میں مبینہ خورد برد کا انکشاف کیا گیا ،خیبرپختونخوا اسمبلی کے رکن عبید الرحمان نے صوبائی اسمبلی میں ڈی ایچ کیو تیمرگرہ اسپتال کو فراہم کیے جانے والے دستانوں کے حوالے سے بیضاطیگیوں کے معاملے پر صوبائی اسمبلی میں توجہ دلا نوٹس جمع کرا دی ہے۔
توجہ دلا نوٹس میں کہا گیا ہے کہ سال 24-2023 میں نگران دور حکومت میں ڈسٹرکٹ ہیڈ کوارٹرز اسپتال تیمرگرہ کے لیے 14 کروڑ روپے سے زائد مالیت کے 65 ہزار دستانوں کے باکسز جاری کیے گئے لیکن اسپتال کو صرف ڈھائی ہزار دستانوں کے باکسز ملے ہیں۔ مارکیٹ میں دستانوں کے ایک باکس کی قیمت 900 سے ایک ہزار روپے تک ہے جبکہ اسپتال کو یہی دستانوں کا باکس 2200 روپے میں دیا گیا ہے۔
اسپتالوں کو 65 ہزار 500 دستانوں کے باکسز فراہم نہیں کیے گئے ہیں اور اس کے علاوہ دستانے مہنگے بھی دیے گئے ہیں اور سرجیکل دستانوں کے نام پر لیے گئے تھے لیکن اسپتال کو سادہ استعمال کے دستانے فراہم کیے گئے ہیں۔توجہ دلا نوٹس میں مطالبہ کیا گیا ہے کہ مبینہ طور پر خورد برد میں ملوث متعلقہ حکام کے خلاف قانونی کارروائی عمل میں لائی جائے۔
رکن صوبائی اسمبلی عبید الرحمان نے اس سے قبل تیمرگرہ میڈیکل کالج کے لیے مختلف سامان کی خریداری میں بیضاطیگی کا معاملہ اسمبلی میں اٹھایا تھا۔