ایمیزون پارسل ڈلیوری؛ پاکستان پوسٹ کو شامل کرنے کی تجویز

اسلام آباد: پاکستان کی جانب سے ایمیزون کے اندرون ملک پارسل ڈلیوری کیلیے پاکستان پوسٹ کو ڈلیوری میں شامل کرنے کی تجویز ہے۔

ایک سے ڈیڑھ ہفتے میں پاکستان ایمیزون سیلر لسٹ میں شامل ہونے کی ختمی منظوری بھی متوقع ہے، تاہم ایمیزون سیلر لسٹ میں شامل ہونے کے بعد پاکستان کے فروخت کنندگان کو اعلیٰ معیارکی اشیا ہی فروخت کرنی ہوں گی، کسی قسم کی شکایت کی صورت میں فروخت کیا ہوا سامان قابل واپسی ہوگا۔

اس سلسلے میں وزارت تجارت کی جوائنٹ سیکریٹری عائشہ حمیرا نے کہاکہ عید کے بعد ایمیزون سیلر لسٹ میں شامل ہونے کے لیے بڑی پیش رفت متوقع ہے، ایک سے ڈیڑھ ہفتے میں پاکستان ایمیزون سیلر لسٹ میں شامل ہو نیکی توقع ہے۔