سونے کی قیمتوں‌ میں مسلسل دوسرے روز بھی اضافہ

کراچی: بلین مارکیٹ میں سونے کی قیمت میں ہونے والے اضافے کے منفی اثرات مقامی صرافہ بازاروں پر بھی نظر آئے ہیں۔ عالمی مارکیٹ میں کاروباری ہفتے کے چوتھے یعنی جمعرات کے روز ٹریڈنگ کے دوران سونے کی فی اونس قیمت میں 8 ڈالرز کا اضافہ ہوا۔حالیہ اضافے کے بعد انٹرنیشنل مارکیٹ میں سونے کی فی اونس قیمت 1787 ڈالرز تک پہنچ گئی۔

عالمی مارکیٹ میں ہونے والے اضافے کی وجہ سےaتان بھر کے مقامی صرافہ بازاروں میں بھی قیمتوں میں اضافہ ریکارڈ کیا گیا۔ فی تولہ اور دس گرام کی قیمتوں میں مجموعی طور پر 734 روپے کا اضافہ ہوا۔

آل پاکستان جیولرز مینوفیکچررز ایسوسی ایشن کے چیئرمین محمد ارشد کے مطابق بتاریخ 22 اپریل بروز جمعرات پاکستان بھر کے مقامی صرافہ بازاروں میں سونے کی فی تولہ قیمت میں 400 جبکہ دس گرام کی قیمت میں 334 روپے اضافہ ریکارڈ کیا گیا۔ حالیہ اضافے کے بعد سونے کی فی تولہ قیمت 1 لاکھ 4 ہزار 300 جبکہ دس گرام کی قیمت 89 ہزار 421 روپے تک پہنچ گئی۔

کراچی، حیدرآباد، سکھر، ملتان، لاہور، فیصل آباد، اسلام آباد، راولپنڈی، پشاور اور کوئٹہ کی صرافہ مارکیٹوں میں سونے کی خرید و فروخت نئے ریٹ کے ساتھ ہوئی۔ یاد رہے کہ ایک روز قبل سونے کی فی تولہ قیمت میں 900 رپے کا اضافہ ریکارڈ کیا گیا تھا۔