بانی پی ٹی آئی صرف مس کالیں دے رہے ہیں ، گورنر سند ھ

گورنر سندھ کامران خان ٹیسوری نے پی ٹی آئی کے احتجاج کے حوالے سے کہا کہ بانی پی ٹی آئی صرف مس کالیں دے رہے ہیں، ان کی باتوں سے فرسٹریشن ظاہر ہوتی ہے۔لندن میں میڈیا سے گفتگو میں گورنر سندھ نے کہا کہ پی ٹی آئی والے گول گول گھوم کر واپس وہیں جائیں گے جہاں سے آئے تھے۔ان کا کہنا تھا کہ یہ سیاسی، جذباتی اور آخری اوور کا گیم ہے، اس کے بعد اوور ختم ہوجائے گا۔گورنر سندھ نے کہا کہ بشری بی بی کے بیان کو ان کی اپنی پارٹی نے بھی اون نہیں کیا، اگر بانی نے بشری بی بی سے ایسی کوئی بات کی ہے تو حلف توڑا ہے۔