اے این ایف کریک ڈاؤن، لاکھوں مالیت کی منشیات برآمد

کراچی:اینٹی نارکوٹکس فورس کا منشیات سمگلنگ کے خلاف تعلیمی اداروں اور ملک کے مختلف شہروں میں کریک ڈان جاری ہے۔ اے این ایف ترجمان کے مطابق 4 مختلف مقامات پر کارروائیاں کر کے 5 ملزمان کو گرفتار کر لیا، کارروائیوں میں 54 لاکھ سے زائد مالیت کی 49.250 کلو گرام منشیات برآمد کر لی گئی۔
راولپنڈی میں یونیورسٹی کے قریب ملزم سے 250 گرام چرس برآمد کر لی گئی، نیو محمد آباد گوجرانوالہ کے قریب گاڑی میں چھپائی گئی 44.4 کلو چرس اور 2.4 کلو افیون پکڑی گئی جس میں دو ملزمان گرفتارہوئے۔اقبال شہید ٹول پلازہ اٹک کے قریب ملزم کے قبضے سے 1.2 کلو چرس برآمد کر لی گئی، جی ٹی روڈ اٹک کے قریب خاتون سے 1 کلو ہیروئن برآمد کی گئی۔
اے این ایف ترجمان کے مطابق گرفتار ملزم نے تعلیمی اداروں کے طلبا کو منشیات فروخت کرنے کا اعتراف کیا ہے، ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا۔