ایشین گیمز کرکٹ ، برانز میڈل میچ میں پاکستان ویمن ٹیم کو شکست

ایشین گیمز کے کرکٹ کےمقابلے میں برانز میڈل میچ میں پاکستان ویمن ٹیم کو شکست ہوگئی ۔بنگلہ دیش وویمن ٹیم نے پاکستان کو 5 وکٹوں سے ہرا کر برانز میڈل جیت لیا۔بنگلا دیش نے 65 رنز کا ہدف 5 وکٹ پر 19 ویں اوور میں حاصل کرلیا۔پاکستان کی نشرح سندھو نے دس رنز دیکر تین وکٹیں حاصل کیں ۔بنگلہ دیش کی شورنا اختر نے 14 رنب بنائے جبکہ شمیمہ سلطانہ نے تیرہ رنز اسکور کیے ۔پاکستان وویمن ٹیم بیس اوورز میں 9 وکٹ پر 64 رنز ہی بنا سکی تھی ، پاکستان کی عالیہ ریاض سترہ رنز بنا کر ٹاپ اسکوررہیں ۔نداڈار نے 14 ، صدف شمس نے تیرہ اور نتالیہ پرویز نے گیارہ رنز بنائے ۔